Heitur Tebolli
Earl grey: Ilmandi Assam telauf bragðbætt með bergamot appelsínuberki. Náttúrulega bragbætt með þurrkuðum ávextinum. Teið er lífrænt ræktað og Fair Trade vottað.
English Breakfast: Svört telauf frá Súmötru og Assam á Indlandi. Bragðmikið og ákveðið.
Malt og krydd í bragði sem nýtur sín vel með örlítilli mjólk og jafnvel hunangi. Morgunverðarte með mjólk, ristuðu brauði og sultu. Hvað er breskara en það?
Sencha: Græn telauf frá Japan, Telaufin koma frá Shizuoka sem tilheyra hlíðum Fitji fjallsins en þar er helmingur teræktunar Japans. Sencha hefur ákveðið grænt bragð og í bolla er það ólífugrænt á litinn. Grænt te er ríkt af andoxunarefnum og er talið hafa góð áhrif á heilsu almennt. Trekkist í 1-3 mín við 75-80°C
Ofurte: Grænt, bragðbætt te. Ilmur af sumargleði. Grænt Sencha te, gojiber og granatepli dansa saman eins og ljúf sumarnóttin. Gott heitt og kalt. Slær í gegn á pallinum.
Vatnsmelónu & mintute: Sæt vatnsmelóna og fersk piparmynta sem minnir á sumarið. Frábært bæði heitt og kalt. Koffeinlaust.
Mangó & félagar: Framandi ávextir í stórum flögum og bitum. Sætt og frísklegt og fallega gult nammite. Yndislegt sem íste fyrir litlu börnin, gömlu konurnar og alla hina líka. Partýdrykkurinn, heitt eða kalt. Koffeinlaust.
Hamingjute: Milda, sæta bragðið af þessu himneska tei kemur frá eplabitum og gulrótarflögum. Ferskleiki af eucalyptuslaufum og sítrónugrasi. Rauðrófur gefa fallega, rauða litinn og örlitla jarðtóna. Endapunkturinn er sítrusbragð frá mandarínum og appelsínum sem fullkomna hamingjuna í bolla. Koffeinlaust Jurtate.