Te & Kaffi er fjölskyldufyrirtæki stofnað 1984 af hjónunum Sigmundi Dýrfjörð og Berglindi Guðbrandsdóttur sem komu innblásin heim frá búsetu árum í Svíþjóð með þann draum að opna verslun með sælkerkaffi og laufte. Þau opnuðu fyrst litla verslun á Barónsstíg með fersku sælkerakaffi og ótrúlegu magni af lauftei og bættu svo við kaffibar þegar þau fluttu síðar á Laugaveg. Fyrstu 20 árin einbeittu þau sér að því að reka sérverslanir og kaffihús ásamt sölu á veitingamarkaði en með fjárfestinu í öflugri framleiðslutækjum árið 2004 var hægt að herja á innreið á matvörumarkaðinn af einvherri alvöru. Á 20 ára afmælinu var farið í endurmörkun umbúða, sérverslana og kaffihúsa, útlit samræmt og nýtt myndmerki kynnt. Á síðasta áratug hefur vörumerkið þróast með sífelldum nýjungum og vöruþróun auk þess sem við rekum níu glæsileg kaffihús. Te & Kaffi er stærsta vörumerkið á neytendavörumarkaði og leggjum við mikið uppúr umhverfismálum en með sjálfbærni að leiðarljósi hafa stórar breytingar orðið í kaffibrennslunni og umbúðamálum. Í dag starfa í kringum 100 manns hjá fyrirtækinu í ólíkum og skemmtilegum verkefnum. Til að daglegur rekstur fjölmargra kaffihúsa og sala á ólíka markaði geti gengið sem best fyrir sig þá þarf gott skipulag og frábært starfsfólk á allar starfsstöðvar. Framleiðsla á kaffi spilar veigamesta þáttinn í starfsemi fyrirtækisins. Með aukinni vitund neytenda um hágæðakaffi hafa sóknarfæri Te & Kaffi aukist til muna á síðustu árum.
Sjá svipaða sölustaði
Heimilisfang
Heimsendingartímar
| Mánudagur | 07:30–17:15 |
| Þriðjudagur | 07:30–17:15 |
| Miðvikudagur | 07:30–17:15 |
| Fimmtudagur | 07:30–17:15 |
| Föstudagur | 07:30–17:15 |
| Laugardagur | 09:00–16:45 |
| Sunnudagur | 10:00–16:45 |
Meiri upplýsingar
WoltHöfuðborgarsvæðiðVeitingastaðir | HöfuðborgarsvæðiðTe & Kaffi | HöfuðborgarsvæðiðTe & Kaffi - Hamraborg